રશિયાના રાષ્ટ્રપતિ વ્લાદિમીર પુતિને ટૂંક સમયમાં ઉત્તર કોરિયાની મુલાકાત લેવાની ઈચ્છા વ્યક્ત કરી છે. ક્રેમલિનના પ્રવક્તા દિમિત્રી પેસ્કોવે સોમવારે જણાવ્યું હતું કે કિમના આમંત્રણ પર પુતિન ઉત્તર કોરિયાની મુલાકાત લે તેવી આશા છે. રાષ્ટ્રપતિ નજીકના ભવિષ્યમાં મુલાકાત લેશે પરંતુ પ્રવક્તાએ કહ્યું કે મુલાકાતની તારીખ નક્કી નથી અને હજુ સુધી સહમતિ બની નથી.
રશિયાના રાષ્ટ્રપતિ વ્લાદિમીર પુતિને ટૂંક સમયમાં ઉત્તર કોરિયાની મુલાકાત લેવાની ઈચ્છા વ્યક્ત કરી છે. ઉત્તર કોરિયાની રાજ્ય સમાચાર એજન્સી KCNAએ રવિવારે અહેવાલ આપ્યો હતો કે પુતિને ગયા અઠવાડિયે રશિયામાં ઉત્તર કોરિયાના વિદેશ પ્રધાન ચો સોન હુઈ સાથેની મુલાકાત દરમિયાન આ ઈચ્છા વ્યક્ત કરી હતી.
પુતિને કિમ જોંગનો આભાર વ્યક્ત કર્યો
ઉત્તર કોરિયાના વિદેશ મંત્રીના કાર્યાલયને ટાંકીને સમાચાર એજન્સીએ જણાવ્યું કે પુતિને આમંત્રણ માટે ઉત્તર કોરિયાના નેતા કિમ જોંગ ઉનનો આભાર માન્યો. 20 વર્ષ પછી કોઈ રશિયન નેતાની ઉત્તર કોરિયાની આ પ્રથમ મુલાકાત હશે. 1999માં બોરિસ યેલત્સિન પાસેથી સત્તા સંભાળ્યા બાદ પુતિને જુલાઈ 2000માં પ્યોંગયાંગની મુલાકાત લીધી હતી.
ક્રેમલિનના પ્રવક્તા દમિત્રી પેસ્કોવે પુષ્ટિ કરી
ક્રેમલિનના પ્રવક્તા દમિત્રી પેસ્કોવે જણાવ્યું હતું કે કિમના આમંત્રણ પર પુતિન ઉત્તર કોરિયાની મુલાકાત લે તેવી અપેક્ષા હતી. રાષ્ટ્રપતિ નજીકના ભવિષ્યમાં મુલાકાત લેશે, પરંતુ પ્રવક્તાએ કહ્યું કે મુલાકાતની તારીખ નક્કી નથી અને હજુ સુધી સહમતિ બની નથી.
