મોટરકાર પ્રકારના ટ્રાન્સપોર્ટ એચ.જી.વી. વાહનો માટે GJ 03 BZ સિરીઝના ગોલ્ડન-સિલ્વર નંબરો માટે ૧૯/૦૨/૨૦૨૪થી ઓક્શન શરૂ કરવામાં આવેલ છે, જેના ગોલ્ડન તથા સિલ્વર અને અન્ય પસંદગી નંબરો મેળવવા ઇચ્છતા વાહન માલિકોએ parivahan.gov.in પર ઓનલાઇન અરજી કરવાની રહેશે.
આ માટે તા.૧૯/૦૨/૨૦૨૪ થી તા.૨૧/૦૨/૨૦૨૪ સુધી ઓનલાઇન એપ્લિકેશન કરવાની રહેશે તથા તા.૨૧/૦૨/૨૦૨૪થી તા.૨૩/૦૨/૨૦૨૪ના સાંજના ૦૪:૦૦ કલાક સુધી ઓનલાઇન બિડિંગ પ્રક્રિયા થશે. તા. ૨૨/૦૨/૨૦૨૩ ના રોજ કચેરીમાં ફોર્મ જમા કરાવવાના રહેશે.
ઓનલાઇન ઑક્શનમાં ભાગ લેનાર અરજદારે parivahan.gov.in પર ઓનલાઇન સર્વિસ, fancy number booking પર જઈ, યુઝર આઇડી, પાસવર્ડ તૈયાર કરવાના રહેશે. હરાજીની પ્રક્રિયામાં ભાગ લઇ ચુકવણું કરવાનું રહશે અને વાહન નંબર મેળવી હરાજીની પ્રક્રિયા પુર્ણ થયાના પ (પાંચ) દિવસમાં નાણાં જમા કરાવવાના રહેશે. આર. ટી . ઓ. કચેરી ખાતેથી અપ્રુવલ લઈ નંબર મેળવવો.
ઓકશનમાં ભાગ લેવા માટે વાહન વેચાણ તારીખથી સાત દિવસ સુધીમાં CNA ફોર્મ ઓનલાઇન ભરેલ હોવું જરૂરી છે, તેમ પ્રાદેશિક વાહન વ્યવહાર અધિકારીની યાદીમાં જણાવાયું છે.
