માર્કસ સ્ટોઈનિસની સદીની મદદથી લખનૌ સુપર જાયન્ટ્સે IPL-2024માં ચેન્નાઈ સુપર કિંગ્સને 6 વિકેટથી હરાવ્યું. LSGની આ સિઝનની પાંચમી જીત છે. ટીમ પોઈન્ટ ટેબલમાં 10 પોઈન્ટ સાથે ચોથા સ્થાને આવી ગઈ છે.
મંગળવારે ચેન્નાઈના એમએ ચિદમ્બરમ સ્ટેડિયમમાં લખનૌએ ટોસ જીતીને બોલિંગ કરવાનું પસંદ કર્યું હતું. પ્રથમ બેટિંગ કરતા ચેન્નાઈએ 20 ઓવરમાં 4 વિકેટે 210 રન બનાવ્યા હતા. લખનઉએ 211 રનનો ટાર્ગેટ 19.3 ઓવરમાં 4 વિકેટે મેળવી લીધો હતો.
માર્કસ સ્ટોઇનિસે 63 બોલમાં અણનમ 124 રનની સદી ફટકારી હતી. તેણે 13 ચોગ્ગા અને 6 છગ્ગા ફટકાર્યા હતા. નિકોલસ પુરને 15 બોલમાં 34 રનનું યોગદાન આપ્યું હતું. મથિશ પથિરાનાને બે વિકેટ મળી હતી.
CSK તરફથી ઋતુરાજ ગાયકવાડે 60 બોલમાં 108 રનની અણનમ ઇનિંગ રમી હતી. તેની ઇનિંગમાં 12 ફોર અને 3 સિક્સ સામેલ હતી. શિવમ દુબેએ 27 બોલમાં 66 રન બનાવ્યા હતા. તેણે 3 ચોગ્ગા અને 7 છગ્ગા ફટકાર્યા હતા. મેટ હેનરી અને મોહસીન ખાનને એક-એક વિકેટ મળી હતી.
રુતુરાજે ફટકારી શાનદાર સદી
ટોસ હાર્યા બાદ પ્રથમ બેટીંગ કરવા આવેલી ચેન્નાઈ સુપર કિંગ્સની શરૂઆત સારી રહી ન હતી અને અજિંક્ય રહાણે સસ્તામાં પેવેલિયન પરત ફર્યો હતો. જો કે, રુતુરાજ ગાયકવાડે એક છેડે સાવચેતી રાખી હતી અને ઘણા ચોગ્ગા અને છગ્ગા ફટકાર્યા હતા. વિસ્ફોટક બેટિંગ કરતા રુતુરાજે માત્ર 28 બોલમાં પોતાની અડધી સદી પૂરી કરી હતી. આ પછી CSKના કેપ્ટને પોતાનું જોરદાર ફોર્મ ધારણ કર્યું અને 56 બોલમાં પોતાની સદી પૂરી કરી.
સદી ફટકારનાર પ્રથમ કેપ્ટન
રૂતુરાજ ગાયકવાડે આ સદી સાથે ઈતિહાસ રચ્યો છે. રુતુરાજ IPLમાં ચેન્નાઈ સુપર કિંગ્સ માટે સદી ફટકારનાર પ્રથમ કેપ્ટન બની ગયો છે. રૂતુરાજે 60 બોલનો સામનો કરીને 108 રનની અણનમ ઇનિંગ રમી હતી. આ ઇનિંગ દરમિયાન રુતુરાજે 12 ફોર અને ત્રણ સિક્સર ફટકારી હતી.
